МУЗЕЙНЫЯ ЗАНЯТКІ

1. МУЗЕЙ I ЧАС.

Занятак разлічаны на дзяцей малодшага школьнага ўзросту.

45 хвілін

Мэта: 3 дапамогай стужкі часу i лялькі-дамавіка Янкі стварыць у думках дзяцей уяўленне пра паняцце "музей" праз узаемасувязь слоў: "памяць", "час", "музей". Пазнаёміць вучняў з адзінкамі вымярэння часу, дзеля гэтага зрабіць невялікі экскурс у гісторыю гадзіннікаў.

2. ДОБРЫ ДЗЕНЬ, МУЗЕЙ!

Занятак разлiчаны на дзяцей малодшага школьнага ўзросту.

45 хвілін

Мэта: Пазнаёміць дзяцей з паняццямі: "экспанат", "экспазіцыя","экскурсiя", "экскурсант","экскурсавод", "рэстаўратар". Выхоўваць у дзяцей музейную культуру: уменне паводзіць у музеі, 6еражліва адносіцца да музейных прадметаў. Развіваць разуменне пра музеі Беларусі і музей пад адкрытым небам.

3. ЧАРАДЗЕЙНЫ КУФАР

(частка 1).
Занятак разлічаны на дзяцей малодшага школьнага ўзросту i вучняў 5-6 класаў.

45 хвілін

Мэта: Пры дапамозе выкарыстанай у занятку паэмы Ларысы Геніюш "Куфар" паказаць складаны працэс стварэння тканіны: ад апрацоўкі лену да адбельвання палатна.

4. ЧАРАДЗЕЙНЫ КУФАР

(частка 2).
Занятак разлiчаны на дзяцей малодшага школьнага ўзросту i вучняў 5-6 класаў.

45 хвілін

Мэта: Развіваць успрыманне пра беларускі строй увогуле, а таксама паказаць разнастайнасць народнага адзення з розных рэгіёнаў Беларусі i прыклады тканых рэчаў, паведаміць пра ix прымяненне ў паўсядзённым ужытку i абрадаў беларуcaў.

5. ПА АДЗЕННІ СУСТРАКАЮЦЬ

(жаночае адзенне).
Занятак разлiчаны на вучняў 4-6 класаў.

45 хвілін

Мэта: Пры дапамозе паэмы Ларысы Геніюш "Куфар", ілюстрацый з кнігі Раманюка М.Ф. "Беларускае народнае адзенне", музейных экспанатаў даць уяўленне дзецям пра беларускі народны строй увогуле, а таксама - пра жаночае адзенне, галаўныя ўборы, з'ёмныя ўпрыгожанні. Паказаць, якую ролю адыгрывала адзенне ў жыцці беларускай сялянкі.

6. ПА АДЗЕННІ СУСТРАКАЮЦЬ

(мужчынскае i дзіцячае адзенне).
Занятак разлiчаны на вучняў 4-6 класаў).

45 хвілін

Мэта: Расказаць пра мужчынскае i дзіцячае (ад перыяду маленства да юнацтва) адзенне. Паказаць, якую ролю адыгрываў пояс не толькi як частка нацыянальнага касцюму, але i як сакральная рэч, абярэг.

7. ПШАНІЧНЫ КАЛАСОК.

Занятак разлічаны на дзяцей дашкольнага i малодшага школьнага ўзросту.

45 хвілін

Мэта: Раскрыць складаны працэс атрымання хлеба: ад узворвання глебы да выпякання хлеба ў печы. Расказаць i паказаць асноўныя прылады для выпечкі хлеба (дзяжу, хлебную лапату, рэшата, ciтa i т.д.). 3 дапамогай заняткаў выхоўваць у дзяцей павагу да хлеба.

8. ДРАЎЛЯНЫЯ ЗАМКАВЫЯ ПАБУДОВЫ.

Занятак праводзіцца для вучняў 3-5 класаў.

45 хвілін

Мэта: Занятак знаёміць з рознымі этапамі будаўніцтва драўляных замкавых пабудоў на тэрыторыі Беларусі. Падчас занятку вучням прапаноўваецца самім зрабіць рэканструкцыі старажытных замкаў і намаляваць іх .

9. НАРОДНЫ УЗОР.

занятак разлічаны на вучняў 3-4 класа.

45 хвілін

Мэта: Падчас занятку вучні пераўтвараюцца ў вучоных і на прыкладзе традыцыйных паясоў і ручнікоў знаёмяцца з асаблівасцямі народнага ўзору. Школьнікі даведаюцца, што азначалі ў старажытнасці выявы крыжа, ромба і кола, а таксама – белы, чырвоны і чорны колеры.